අන්තර්ජාලය හරහා මුදල් ඉපයීමේ ක්‍රම ගණනාවක් තියෙනවා. ඒවා එකිනෙක වෙනස් නමුත් පොදුවේ වෙන් කරන්න පුළුවන් Categories දෙකක් තියෙනවා.

1. තමන්ගේ හැකියාවක් යොදාගෙන සේවාවක් සපයලා මුදල් උපයා ගැනීම. – Active Income
2. තමන්ගේ මුදල් යොදාගෙන මුදල් උපයාගැනීම. – Passive Income

Active Income කියන්නේ තමන්ට හැකියාවක් තියෙනවා නම් ඒක යොදාගෙන කාලය සහ මහන්සිය වැය කරලා අන්තර්ජාලය ඔස්සේ යම් සේවාවක් සපයලා ඒකට අදාලව ආදායමක් ලබාගන්න එක. Passive Income කියන්නේ ඔයාගේ අතේ තියෙන මුදල් යම්කිසි ආයෝජනයකට යොදවලා ඒ මුදල් ඔයා වෙනුවෙන් ලාභ උපදවා ගැනීමට යෙදවීම. මම මේ Income Methods දෙක අතර වෙනස ගැන ලොකුවට විස්තර කරන්න යන්නේ නෑ. ඒත් දැනගෙන ඉන්න එක ඔයාලට ගොඩක් වැදගත්. ඒ ගැන කියවන්න මෙතනින්. මමත් පටන් ගත්තේ Active Income Methods වලින්. ගොඩක් කාලයක් Fiverr සහ oDesk (දැන් UpWork) කළා. ඒ ඔස්සේ උපයාගත් මුදල් වලින් කොටසක් ආයෝජන වලට යොදවලා තමයි මම දැනට නිරත වෙලා ඉන්න Passive Income Methods වලින් මුදල් ඉපයීම ආරම්භ කරන්නේ.

Risk Capital – අවධානමකට ලක් කල හැකි ප්‍රාග්ධනය

හැම වෙලේම හැමෝම කියනවා වගේ, අන්තර්ජාලය ඔස්සේ මුදල් ආයෝජනය කිරීම ගොඩක් අවදානම් ක්ෂේත්‍රයක්. ඔයා ඒ සඳහා යොදාගත යුත්තේ අවධානමකට ලක් කල හැකි ප්‍රාග්ධනය පමණයි. ඇත්තටම මොකක්ද මේ අවධානමකට ලක් කල හැකි ප්‍රාග්ධනය (Risk Capital) කියන්නේ? Risk Capital කියන්නේ කොටසක් හෝ මුළුමනින්ම හෝ නැති වුනත් බල්ලෝ කෑවත් ඒ පාඩුව ඔබට දරාගතහැකි මුදල. ඒ කියන්නේ කෙලින්ම බල්ලට දාන්න පුළුවන් සල්ලි කියන එක නෙවෙයි. මුදල් කොහොමත් වටිනවා. නමුත් අපි අතින් මුදල් නැති වෙන හෝ පාඩු ලබන අවස්ථා තියෙනවා. අන්න ඒ වගේ අවස්තාවක ඔබට ඒ නැති වීම හෝ පාඩුව දරාගත හැකි නම් ඒක Risk Capital එකක්.

ඔයා සල්ලි ඉතුරු කරා කියල හිතන්නකෝ ගෙයක් හදන්න. එහෙම නැත්නම් Class fees, ගෙවල් කුලී ගෙවන්න? හිතන්නකෝ ඔයා බැංකුවකින් ගත්ත Loan එකක් ගැන? මෙව්වා නැති උනොත් ඔයාට දරාගන්න පුලුවන්ද? බෑ නේද? ඔයාට ගෙයක් හදන්න බැරි වෙනවා. Fees නොගෙවා Class යන්න බැරි වෙනවා. කුලිය නොගෙව්වොත් කුලී ගෙදරින් දොට්ට දානවා. බැංකුවට සදාකාලික ණය කාරයෙක් වෙනවා. එහෙම එව්වා කොහෙත්ම අවදානම් ආයෝජන කටයුතු වලට යොදාගන්න එපා. ඔයාගේ මොකක් හරි අත්‍යාවශ්‍ය දෙයකට යොදාගන්න තියෙන මුදල්, නැත්නම් වගකීම් පිට ලබාගන්න මුදල් Risk Capital නෙවෙයි. මේ ලගදිත් තිරසාර ගෘප් එක හරහා මගෙත් එක්ක Chat ඒකට යොමු උන කොල්ලෙක් කිව්වා එයා Forex කරලා Loss උනා කියලා Bank Loan එකක්.

forex.PNG
Loan එකක් කියන්නේ Risk Capital එකක්ද?

ඇත්තටම මට හිතාගන්න බැරි උනා අපේ රටේ කොල්ලෙක් මෙච්චරටම නොදැනුවත් උනේ කොහොමද කියලා. එයාට මම තේරුම් කරලා දෙන්න උත්සාහ කලත් Forex වල තියෙන අවධානම එයා එක තේරුම් ගන්න උත්සාහ කලේ නෑ. එයාගේ යාලුවෙක් සුපිරියට Forex වලින් හම්බ කරනවා කිව්වා. ඉතින් මට තේරුනා කියලා වැඩක් නෑ කියන එක. බැරිම තැන මම කිව්වා එයාගෙන් මුල ඉදන් අහගෙන හරියට අල්ලගන්න කියලා. අඩුම තරමේ මේ Article එක දැකලාවත් තේරුම් ගත්තොත් තමන් වැටිලා ඉන්න මෝඩකමේ තරම එයා කොහොම හරි ගොඩට ඒවි කියලා මම බලාපොරොත්තු වෙනවා. අධෛර්යය කරනවා නෙවෙයි මේ. ඇත්ත පෙන්නලා දෙනවා. ඇත්තටම අන්තර්ජාලය ඔස්සේ ඔයා ආයෝජනය කරන්නේ ඔයාගේ මුදල්. Bank Loan එකක් කියන්නේ ඔයාගේ අයිතියෙන් පිට තියෙන තාවකාලිකව ඉල්ලගත්තු දෙයක්. අනික යාළුවො කියන නිසාවත් යාළුවො කරන නිසාවත් නෙවෙයි. තමන්ට ඇත්තටම විශ්වාසයක් තියෙනවා නම් විතරක් මේ Field එකට බහින්න.

Risk Capital එකක් හොයාගන්නේ කොහෙන්ද?

ඒකට උත්තර නම් තියන්නේ ඔයා ගාවමයි. මම ගැන කියනවා නම් මම ආයෝජනය කලේ මම Part Time වැඩ කරලා Fiverr, oDesk වලින් උපයපු මුදල්. ඔයත් Fiverr, UpWork, කරලා එහෙම නැත්නම් මොකක් හරි සයිටක් අටවාගෙන AdSense කරනවා නම්, YouTube කරනවා නම් ඒ ආදායමින් කොටසක් යොදාගන්න පුළුවන්. කොටින්ම කිව්වොත් Active Income Methods වලින් ඔයා උපයන මුදල්. මොකද මේවා ඔයාගේ ස්ථිර ආදායම් මාර්ග නෙවෙයි. (මේ ආදායම් ස්ථිර එව්වා කරගන්නත් එපා) මේ සල්ලි Vanish උනත් දරාගන්න පුළුවන් ඔයාට. අතට එනකොටත් අරෙහෙට මෙහෙට කැපිලා සොච්චමයි එන්නේ. ඉතින් ඒ කැපිලි කෙටිලිත් ඔයා දරාගන්න එකේ නරකද කපාගන්නෙත් නැතුව කෙලින්ම මොකක් හරි ආයෝජනයකට යෙදෙව්වොත්?

ස්ථිර රැකියාවක් කරනවා නම් ඔයාට පුළුවන් Risk Capital එකට සුළු කොටසක් මාසිකව වෙන් කරගන්න. ගොඩක් අයගේ කතාව තමයි මාසේ පඩිය දවස් ගානෙන් මුළුමනින්ම දිය වෙලා ඉවරයි කියන එක. ගොඩක් අයට සල්ලි එන්න එන්න වියදම් වැඩි වෙනවා. එක තමයි ඇත්ත. ඔයාට කරන්න තියෙන්නේ පඩිය කෙලින්ම බැංකුවට හරවන එක ඒකෙන් පොඩි කොටසක් කැපිලා යන විධියට. නැත්නම් පඩි ගත්ත ගමන් සුළු කොටසක් Risk Capital එකක් විදියට ආයෝජන වලට යොමු කරන එක. හැබැයි මතක තියාගන්න ඕනි දේ තමයි ඔයා මාස් පඩි කාරයෙක් කියන එක. ඒ කියන්නේ ඔයා මාසෙම ජිවත් වෙන්න ඕනි මේ පඩියෙන්. ඒ නිසා දරාගත හැකි ඉතාමත් සුළු මුදලක් හැරෙන්න අවධානමේ යොදවන්න එපා කියලා මම ඉල්ලා සිටිනවා. අතේ මිටේ සල්ලි තියෙන අය නම් කියා කියා හරි වැඩිපුර යෙදෙව්වට කමක් නෑ. නමුත් අවධානම කියන අකුරු 5 ඔලුවේ කොටාගන්න.

ඇයි ඉතින් මෙච්චර අවධානම් වැඩ කරන්නේ?

balance-2051565_640.jpg
මෙව්වා අවදානම් වැඩ

ඔය කියන තරම් මේ ආයෝජන ක්‍රම අවධානම් නම් ඇයි අපි සල්ලි යොදවන්නේ මේ වගේ දේවල් වලට? අවධානම අඩු ලංකාවේ Fixed Deposit නැත්නම් Saving එකකටවත් තියෙන සල්ලි දාමුකෝ. හිතන්නකෝ ඔයාගේ සල්ලි වලින් Fixed Deposit එකක් දැම්මා කියලා. අවදානම අඩුයි. ඒත් පොලිය උපරිම අවුරුද්දටම 5% වත් නෑ. මාසෙකට සැලකියයුතු ආදායමක් (50000ක් කියමු) ලබාගන්න නම් ලොකු ගානක් (ලක්ෂ 60ක් 70ක් වත්) Deposit කරන්න වෙනවා. ඒත් අද තියෙන Strong ම Revshare Program එකකින් “දවසට 1%” දෙනවා. කොයිකද වාසි? ඇත්තටම ඔයා ගන්න අවදානම වැඩි නම් ලැබෙන ආදායමත් වැඩියි. අවධානම අඩුයි නම් ආදායමත් අනිවා අඩුයි. ඔයාට අවධානමක් ගන්න බැරි නම් බය නම් ඔයාට ඉදිරියට යාමකුත් නෑ. එහෙමයි කියලා අවධානම කියන එක ගණන් නොගෙන ආයෝජන කරන එක මෝඩ කමක්. අපි කරන්න ඕනි අවධානමක් නොගෙන ඉන්න එක නෙවෙයි. ඒ අවධානම හඳුනාගෙන නිවැරදිව කළමනාකරණය කරගන්න එක.

අවධානම කළමනාකරණය කරගන්නේ කොහොමද?

පොදුවේ කිව්වොත් තමන් ගන්න අවධානම, තමන් යොදවන මුදල, ව්‍යාපාරයේ ස්වාභාවය, කාලය, දේශය, දීපය, මෙකි නොකී ගොඩක් කරුණු කාරනා මත මේක වෙනස් වෙනවා. නමුත් අන්තර්ජාලය ආශ්‍රිත ව්‍යාපාර වලට මුදල් ආයෝජනය කරද්දී ඔබගේ අවධානම කළමනාකරණය කරගන්න නම් පහත කරුණු ගැන මූලිකව අවධානය යොමු කරන්න.

1. ව්‍යාපාරයේ ස්වාභාවය හඳුනාගන්න.

ඔබ මුදල් යොදවන්නේ මොන වගේ දෙයකටද? Forex, Binary, Revshare, Hype, Matrix, MlM, PTC, නැත්නම් වෙනත් ඕනෑම දෙයක් වෙන්න පුළුවන්. කරන්නේ මොකක්ද කියලා හරියටම දැනගෙන කරන්න. මොකද ඒකෙන් ආදායම් එන විදිය, කැපෙන කෙටෙන විදිය ගැන ඔයාට හරි හමන් තේරුමක් නැත්නම් ඔයාට උපරිම ලාභයක් ලබන්න බෑ. හැබැයි උපරිම පාඩුවක් ලබන්න පුළුවන් වෙයි. ඔය සමහරු Revshare වල Adspack earning දිහා බල බලා නාහෙන් අඩනවා මෙච්චරක් Earnings පෙන්නනවා ඒත් අතට හම්බෙන්නේ සොච්චමයි කියලා. ඒ ඉතින් නොදන්නාකම.

2. අධ්‍යයනය කරලා ඉන්න.

ඔයා සල්ලි දාන්න කලින් බලන්න මේ Program එකේ අලගිය මුලගිය තැන්. කවුද Admin, එයාගේ History Background එක කොහොමද, තාම ගෙවනවාද, පටන් අරගෙන කොච්චර කලද, නීතිමය වලංගු භාවයක් තියෙනවද? මේ ගොඩක් දේවල් ගැන හොයල බලල ඉන්න.

3. සේරම සල්ලි එක සැරේ දාන්න එපා, එක තැනක දාන්නත් එපා.

සේරම බිත්තර එක මල්ලකට දාන්න එපා කියන කතාව අහල තියෙනවනේ? ඒ මල්ල වැටුනොත් සේරම බිත්තර බිඳෙනවා. ඒ වගේම ඔයා එක Program එකක සේරම මුදල් ආයෝජනය කරලා ඒ Program එක වැටුනොත් ඔයාට සේරම නැති වෙනවා. ඒ වගේම සේරම සල්ලි එක පාර දාන්න එපා. ටිකක් හරි අතේ තියාගන්න. අන්තර්ජාලයේ ඕනෑම ව්‍යාපාරයක අවදානමක් කියලා දෙයක් තියෙන නිසා ඔයාගේ ආයෝජනය කොටස් කිහිපයකට බෙදලා තැන කිහිපයක, වෙනස් ව්‍යාපාර වල ආයෝජනය කරන්න. එකක් වැටුනොත් අනික හරි ඉතුරු වෙනවා. මෙන්න මේකට කියනවා අවධානම කොටස් වලට වෙන් කිරීම කියලා.

4. හැම තැනටම හොට දාන්නත් එපා.

ඔයා දකින දකින හැම එකටම Invest කරන්න යන්නත් එපා. ඔයා අලුත් නම් Strong Programs දෙකක් හෝ තුනක් එක්ක වැඩ කරලා කීයක් හරි අතට අරන් ඉන්න බලන්න. ඉන් පස්සේ පුළුවන් ඔයාගේ Risk Capital එක වැඩි කරලා වෙනස් වෙනස් ආයෝජන ක්‍රම අත්හදා බලන්න. පළවෙනිම දේ තමයි අතේ තියෙන සුට්ට පරිස්සම් කරගන්න එක. ඉන්පස්සේ හරියට Case Studies කරන එක. අලුත් අලුත් දේවල් ගැන ඇහ ගහගෙන ඉදලා ඒවා අධ්‍යයනය කරලා යන පාර දැනගෙනම යන්න.

5. අවධානම ගන්න කලින් සැලැස්මක් තියාගන්න.

සැලැස්මක් නැත්නම් නැත්නම් වෙන්නේ වැටි වැටි නැගිටින්න. ටික කාලයක් ඔයා ආදායම් ලබලා දියුණු වෙලා හිටි ගමන් ලොකුවට Loss වෙලා, ආයෙත් පටන් අරගෙන උඩට උඩට ගිහිල්ලා, ආයෙත් කෙළගෙන කෙළගෙන පහලට ඇවිල්ලා….. තේරුමක් නෑනේ එහෙම වැඩ කරලා. අවධානමක් ගන්න කලින් ආයෝජනයක් කරන්න කලින් ඔයා Plan කරන්න මේ Program එකට මම මෙච්චරක් දානවා, මෙච්චර කාලයක් Re-Invest කරනවා, මෙච්චර කාලෙකින් මෙච්චර ලාභයක් ගන්නවා කියලා. මේ හැමදෙයක්ම Calculate කරන්න. ඒ සැලැස්මට වැඩ කරන්න. කරන්නන් වාලේ වැඩ කරාට දියුණුවක් වෙන්නේ නෑ. ඔයා පටන් ගන්න යන Program එකක මේ සේරටම අවශ්‍ය විස්තර තියෙනවා. අනිවා තියෙන්නම ඕනි. අවම තැන්පතු මුදල. දෛනික ලාභය, මුළු ආදායම, කැපිලි කෙටිලි, තැන්පතු කල් පිරෙන්න යන කාලය, Withdraw Limits. මේ හැම දෙයක්ම අදාළ කරගන්න. අනික තමයි, සල්ලි Deposit කරන බැංකුව හරහා, නැත්නම් Withdraw කරන Online Wallet හරහා හැම Transaction එකටම Fees තියෙනවා. ඒ විතරද? ඔයාගේ Internet Connection, විදුලි බිල? මේ සේරම වියදම් අදාළ කරගන්න. නැත්නම් අන්තිමට බලද්දී ඔයා හැංගිහොරා Loss වෙලා තියෙයි.

6. හැකි ඉක්මනින් Seed Capital එක එලියට අදින්න.

ඔයා යොදවන මුලික තැන්පතුව (Seed Capital) හැකි ඉක්මනින් එලියට ඇදගන්න. හේතුව අවධානම අඩු කරගන්න පුළුවන් නිසා. ඔයා දාපු මුදලින් කාලයක් ආදායම් උපයලා, ඒ ආදායම නැවත තැන්පත් කරලා, අර මුලින් යොදවපු මුදල සද්ද නැතුව ආපහු ගන්න. එතකොට ඔයා ඒ Business එකේදී සම්පුර්ණයෙන්ම Risk Free. මොකද දාපු මුදලම ආපහු අරන් ඉවරයිනේ. ඒත් ඔයා මුලදී ගත්තු ආදායම් නැවත නැවත ආයෝජනය කල නිසා ඒ මුදල් වලින් ඔයාට ඉදිරියට ලැබෙන ආදායම් සියල්ල 100% Program එකේ ඔයාට ලැබෙන ලාභයක්.

7. අවධානම ගැන අවධානයෙන් ඉන්න.

මොන Online Program එකක් උනත් දවසක Scam වෙන්න පුළුවන්. ඔය Revshares කරන අයට මේක ගොඩක් වැදගත්. ඒකට යන කාලය කියන්න ලේසි නෑ. අවුරුද්දකින් දෙකකින් වෙන්නත් පුළුවන්. දින දෙකකින් වෙන්නත් පුළුවන්. වැදගත් වෙන්නේ ඔයා Touch එකේ ඉන්න එකයි. FB Groups හෙම තියෙනවා නම් පුළුවන් තරම් ඒවාට Join වෙලා කට්ටිය කරන කියන දේ ගැන අවධානෙන් ඉන්න. තව ඒ ප්‍රෝග්‍රෑම් එකේ ලොකු අත්තක් (නිතර නිතර Withdraw කරන එකෙක්) හෙම සෙට් කරගෙන ඉන්න. ලෙල්ල හුටන් වේගෙන එනකොට ඉස්සෙල්ලම එයාලට තේරෙනවා. ඒත් නැතිනම් හොද Sponsor කෙනෙක් හොයාගෙන එයාගේ Updates එක්ක රැඳිලා ඉන්න.

8. ඇරියස් කවර් කරන්න යන්නත් එපා.

ඔයා කරන මොකක් හරි ආයෝජනයකින් ඔයා පාඩු ලැබුවොත් ඒ පාඩුව කවර කරගන්න පිස්සෙක් වගේ පිස්සෙක් වගේ හතර අතේ ආයෝජනය කරන්න එපා. හැම වෙලේම මිනිස්සුන්ට හරියන්නේ නෑනේ. ලාභ සහ පාඩු දෙකම කාට කාටත් විඳින්න වෙනවා. ලාභ උපරිම කරගැනීම සහ පාඩු අවම කරගැනීම රැඳිලා තියෙන්නේ අපේ තීරණ මොන තරම් බුද්ධිමත්ද කියන කාරණය උඩ. ඔය Forex, BO කරන අයට නම් මේක ගොඩක්ම වැදගත් වෙයි.

9. ලාභ අලාභ, ආදායම් වියදම් ගණනය කරගන්න.

ඔයා කොච්චර මුදලක් ආයෝජනය කලාද, කොච්චර මුදලක් ආදායම් විදියට උපයාගත්තද කියලා සතියට/මාසෙකට වරක් ගණන් හදලා බලන්න. මේ වියදම් වලට අයිති ඔයා Deposit කරපු ගැන විතරක් නෙවෙයි. ඔයා Deposit කරද්දී, Withdraw කරද්දී කැපිල යන එව්වා, Transaction fees, ඔයාගේ අන්තර්ජාල බිල පවා මේකට අයිතියි. අනික තමයි ඔයාගේ ආදායම ගණනය කරද්දී ඔයා withdraw කල මුදල අවසන් ආදායම හැටියට ගන්න එපා. ඔයාගේ අතටම සල්ලි එනකම් ඉන්න. අඩුම තරමේ බැංකු ගිනුමටවත් එනකම් ඉන්න. ඒ කියන්නේ සහසුද්දෙන්ම Clear වෙනකම්. ඉන් පස්සේ බලන්න කොච්චර ඔයාට වියදම් වෙලාද, කොච්චර ලාභද/පාඩුද කියලා. ඔයා හරි හමන් ප්ලෑන් එකකට වැඩ කලොත් (Program එක හදිස්සියේ Scam නොවී) ඔයා අනිවා ලාභ ලබන්න ඕනි. ඒකටයි Plan එකක් හදාගන්න කිව්වේ. ඔය Online Transaction වලට, Money Exchanging වලට යන වියදම, අදාළ දවසේ Currency Rate පවා දැනගෙන ඉන්න එක මේ වගේ වෙලාවට ගොඩාක් වටිනවා.

10. Long Term Strategy Plan එකකට වැඩ කරන්න.

දවසකින් දෙකකින් පොඩි ලාභයක් අරගෙන හැමදාම ගොඩ යන්න බෑ. වසර කිහිපයක් වත් ඉදිරියට බලලා දිගුකාලීන දැක්මක් ඇතුව වැඩ කරන්න. මම අර මුලින් කියපු Plan කෙරිල්ලත් එක්ක මේක පටලවා ගන්න එපා. ඒ සේරම එකතු කරපු Master Plan එකක් හදාගෙන ඔයාට මුලදී එදිනෙදා ලැබෙන සුළු ආදායමට ලෝබ වෙන්නේ නැතුව ඒකත් නැවත නැවත ආයෝජන වලට යොමු කරලා ලැබෙන ආදායම ටිකෙන් ටික ගොඩ නගාගෙන යන්න. මම මේ කියන්නේ Compounding Strategy එක ගැන. ඒ කියන්නේ ඔයා ගන්නා හැම ආදායමක්ම නැවත කොටස් වලට බෙදලා තව තවත් ආදායම් ලැබෙන ආයෝජන ක්‍රම වලට යොදවන්න. ඒවායින් ලැබෙන ආදායම නැවත නැවත ආයෝජනය කරන්න. කවදා හරි දවසක ඔයාගේ මේ නැවත නැවත ආයෝජනය කෙරිල්ල නිසා ඔයාට දෛනිකව ලොකු ආදායමක් එන තැනට වැඩ සැලසෙනවා. ඒ කියන්නේ අද ඔයාට දවසකට එන සොච්චම් ආදායමට වඩා දහස් ගුණයක දෛනික ආදායමක් එදාට ඔයාට ලැබෙනවා. අන්න ඒ ඔයාගේ Target කරපු Daily Earning එක ලැබෙන දවසට යනකම් මේක නවත්වන්න එපා. මේක මම ඔයාට පැහැදිලි කරනවට වඩා පහසුවෙන් තේරුම් ගන්න පුළුවන් වෙයි ලක්ෂාන් ලියපු හාල් ඇටයේ කතාව කියවලා බැලුවොත්. හරියට තේරුම් ගත්තොත් මේක ගැඹුරු සංකල්පයක්.

දැන් අන්තිමට කට්ටිය හිතයි මේ කියන හැටියට නම් නොකා නොබී අවුරුදු ගානක් කිසි ආදායමක් නැතුව එක දිගට මේකට නහින්න වෙනවනේ කියලා. එහෙම නෑ. ඔයාගේ දෛනික හෝ මාසික ආදායමෙන් කොටසක් ඔයාගේ භාවිතයට යොදාගන්න. හැබැයි දවසට $2ක් 3ක් හම්බ කරලා ඒකත් කොටස් කරන්න යන්න එපා. සැලකිය යුතු තරම් ආදායමක් දවසකට එනකම් කට්ට කාගෙන ඇදගෙන යන්න වෙනවා. ඉන් පස්සේ අත්‍යාවශ්‍ය වියදමකට ඔයාගේ ආදායමෙන් කොටසක් වැය කරලා ඉතුරු සේරම නැවත ආයෝජනය කරන්න. කොච්චරක් අතට ගන්නවද, කොච්චරක් නැවත ආයෝජනයකට යොදවනවද කියන එක ඔයාගේ තීරණයක්. ඒ මත තමයි ඔයාගේ Target ඒකට යන්න ගත වෙන කාලය තීරණය වෙන්නේ. කොහොමෙන් හරි ඔයාගේ Target ඒකට ගියාට පස්සේ ඉතින් සැප තමා. එහෙම නැතුව හම්බෙන හම්බෙන ආදායම අතට ගන්න ගියොත් දවසක කෙළ වෙනකම් දියුණුවක් නම් වෙන්නේ නෑ.

Advertisements